طريقة استخراج فيزا البريد ايزى باى من البدايه حتى النهايه

السلام عليكم ورحمة الله وبركاته 

فى الموضوع ده باذن الله حنشرح طريقة استخراج فيزا ايزى باى من البريد المصرى اللى نقدر نفعل بيها الباى بال ونسحب منه من داخل مصر 

متطلبات استخراج الفيزا :

• 10 جنيه منصاريف استخراج الفيزا
• بطاقة الرقم القومى 
• رقم موبايل

 فى البدايه حنتوجه لمكتب البريد الرئيسى فى المحافظه بتاعتنا بلاش المكاتب الفرعيه عشان اوقات مبيبقاش عندهم خلفيه عن الفيزا دى .
بعد كده حنروح للموظف اللى على الشباك حنقوله عاوز اطلع فيزا ايزى باى حياخد منه البطاقه وال10 جنيه مصاريف (سمعت من ناس كتير انها 25 بس انا مدفعتش الا 10 جنيه فقط )
حيدخل بياناتى وحياخد منى رقم التليفون وف الاخر حيديك ظرف موجود فيه الفيزا مرفق معاه ورقه مغلقه بها الرقم السرى بتاع الفيزا وده حتحتفظ بيه .

حضرتك حتطلع الفيزا من الظرف وتتصل على الارقام التاليه عشان تفعل الفيزا بتاعتك .

الارقام الخاصه بالبريد المصرى :
الخط الساخن : 16789
رقم هاتف ارضى : 02/35315900 

اول ماتتصل وتوصل لخدمه العملا حيعرفوا اسمك وتقولهم عاوز افعل فيزا ايزي باى حيسالوك عن شويه بيانات لازم الفيزا والبطاقه الشخصيه يبقوا معاك عشان حتمليهم البيانات منها واول ماتخلص معاهم تقدر تستفسر عن اي حاجه انت حاببها عن الفيزا وحيجاوبوك وف الاخر حيقولك الموظف اللى رد عليك ان الفيزا حتتفعل فى خلال 30 دقيقه الى ساعه.

وبكده نقدر نقولك مبروك بقي معاك يزا البريد ايزى باى اللى تقدر تفعل بيها الباى بال بكل سهوله.

بعد كده حترجع تانى لمكتب البريد وتروح للموظف على الشباك وتقوله انك عاوز تشحن الفيزا ب 100 جنيه طبعا ده عشان الباى بال بيخصم مبلغ للتفعيل وبيردهولك تانى اول ماتاكد ان الفيزا بتاعتك من خلال PP code واول ماتشحن ب 100 جنيه كده خلاص بقيت جاهز انك تفعل الحساب بتاعك المصرى على الباى بال وبدون اى مشاكل ان شاء الله وحتلاقوا فيديو بشرح فيه الكلام ده قريب على قناتنا على اليوتيوب .

انتظرونا قريبا فى شرح بالفيديو تفعيل باى بال عن طريق بطاقة فيزا البريد المصرى ايزى باى .

متطلبات استخراج الفيزا :

• 10 جنيه منصاريف استخراج الفيزا
• بطاقة الرقم القومى 
• رقم موبايل

 

الارقام الخاصه بالبريد المصرى :
الخط الساخن : 16789
رقم هاتف ارضى : 02/35315900